Brýnt að tryggja rekstrargrundvöllinn
Setja bókamerki
Ríkisendurskoðandi leggur til fjórar tillögur til úrbóta í skýrslu sinni um starfsemi Íslandspósts, sem var kynnt fyrir tveimur nefndum Alþingis í morgun og hefur nú verið birt á vef stofnunarinnar.
Í fyrsta lagi telur ríkisendurskoðandi að brýnt sé að stjórnvöld bregðist við og tryggi rekstrargrundvöll innlendrar póstþjónustu í því breytilega umhverfi sem starfsgreinin býr við.
„Í þessu sambandi bendir ríkisendurskoðandi á þann möguleika í frumvarpi til nýrra heildarlaga um póstþjónustu að gera þjónustusamning við alþjónustuskylda aðila. Með fyrirhuguðu afnámi einkaréttar á hluta póstþjónustu er mikilvægt að stjórnvöld stuðli að fyrirsjáanlegu starfsumhverfi þeirra aðila sem starfa á þessu sviði, nú Íslandspósts ohf.,“ segir ríkisendurskoðandi.
Í annan stað telur ríkisendurskoðandi að móta þurfi sérstaka eigendastefnu fyrir Íslandspóst, vegna síbreytilegra aðstæðna og sértækra áskorana í rekstrarumhverfi félagsins. Ríkisendurskoðandi telur ófullnægjandi að styðjast við almenna eigandastefnu ríkisins heldur þarf hún að vera sérstök eigi félagið á annað borð að vera áfram starfandi í opinberri eigu.
Ríkisendurskoðandi segir einnig að efla þurfi eftirlit og „leggur áherslu á að ráðuneyti og eftirlitsstofanir túlki eftirlitsheimildir og -skyldur sínar gagnvart Íslandspósti ohf. með sama hætti og gagnkvæmur skilningur sé á hlutverki hvers og eins.“
Mikilvægt sé að allir eftirlitsaðilar stundi forvirkt eftirlit útfrá sameiginlegri heildarsýn.
Að lokum telur ríkisendurskoðandi að „full ástæða“ sé til þess að ráðast í margvíslegar hagræðingaraðgerðir innan Íslandspósts, sérstaklega hvað varðar að „sameina enn frekar dreifikerfi bréfa og pakka í þéttbýli.“
Með Ladda í innkaupakerru
Sleginn yfir grófri framkomu gegn fjölskyldunni
Ekki hægt að laga suma vegi fyrr en í vor
Innlend hópsýking lifrarbólgu B
Munu áfrýja beint til Hæstaréttar
/frimg/1/52/89/1528993.jpg)
Þórður „má og á að skammast sín“
Telja sig geta rekið Grindavík til 2026