6.200 laus störf á vinnumarkaði

Niður­stöður starfa­skrán­ing­ar Hag­stof­unn­ar benda til þess að um 6.200 störf hafi verið laus á íslenskum vinnumarkaði á öðrum ársfjórðungi 2019 en á sama tíma hafi um 226.200 störf verið mönnuð. Hlutfall lausra starfa var því rétt um 2,7%.

Um er að ræða aukningu frá fyrsta ársfjórðungi þegar fjöldi lausra starfa var 3.500 og hlutfall lausra starfa var um 1,5%, að því er fram kemur á vef Hagstofu Íslands.

Þar segir að í ljósi þess að árstíðabundnar sveiflur séu á íslenskum vinnumarkaði megi leiða að því líkum að aukningin skýrist að hluta af sumarstörfum.

• Blogga um frétt