Erlendum ferðamönnum um Flugstöð Leifs Eiríkssonar fækkaði um 105 þúsund á öðrum ársfjórðungi miðað við sama tímabil í fyrra eða um 19,2%. Fækkunin er mun meiri en á fyrsta ársfjórðungi þar sem hún nam einungis 4,7% og er fall flugfélagsins WOW air sögð ástæðan. 

Þetta kemur fram í hagsjá Landsbankans.

Írskum ríkisborgurum fækkaði hlutfallslega mest og næst mest fækkaði af  Ísraelum. Norður-Ameríkubúar frá Bandaríkjunum og Kanada fylgdu þar næst á eftir.

Fækkun Bandaríkjamanna og Kanadamanna í júní var í samræmi við þá fækkun sem hefur verið í apríl og mái en fækkun þessara þjóða hefur verið töluvert meiri en Evrópuþjóða. Þessi mismunur er skýrður með meiri hlutdeild WOW air í flugi til og frá Bandaríkjunum en Evrópu.

Þrátt fyrir almenna fækkun erlendra ferðamanna þá fjölgaði ferðamönnum frá einstaka ríkjum á öðrum ársfjórðungi. Rússum fjölgaði um fjórðung miðað við sama tímabil í fyrra og þá er Kínverjum tekið að fjölga hér á landi aftur eftir fækkun á fyrri hluta síðasta árs.

Bandaríkjamenn skýra langmest af heildarfækkun erlendra ferðamanna á öðrum ársfjórðungi en tæplega 60% af heildarfækkun erlendra ferðamanna má skýra með fækkun Bandaríkjamanna.

Tengdar fréttir

Ferðamenn á Íslandi

TikTok: Lundinn vakti lukku hjá Kristinu og Kyle

• Hótel Varmaland hlýtur gæða- og umhverfisvottun
• Færri Íslendingar fara út í ár
• Euro News mælir með „öðruvísi“ áramótum á Íslandi
• Fara út kokhraustir en snúa svo við

» Fleiri tengdar fréttir

WOW air

Á eftir að koma í ljós hvort málunum verði áfrýjað

• Skúli sýknaður en 780 milljóna greiðslum rift
• „Allt sem ég gerði var með hag WOW í huga“
• Skúli mættur í dómsal
• Þrotabú WOW knýr á um bætur

» Fleiri tengdar fréttir

• Blogga um frétt