Emirates ekki með Ísland í kortunum

Flugfélagið Emirates hefur engin áform uppi um að hefja beint flug til og frá Íslandi. Þetta segir talsmaður flugfélagsins, í kjölfar þess að Morgunblaðið greindi frá því að félagið hefði sent full­trúa sína hingað til lands til að kanna innviði á sviði flugrekstr­ar.

Frétt af mbl.is

Risi með augastað á Íslandi

Fjallað er um yfirlýsingu talsmannsins á vefnum Arabian Business og um leið vísað til umfjöllunar Morgunblaðsins.

„Við höldum áfram að skoða tækifæri til að styrkja og breiða út flugrekstur okkar, en Emirates hefur engin áform uppi um að hefja þjónustu til Íslands,“ segir í yfirlýsingunni.

„Emirates mun sem fyrr meta rekstur sinn víða um heim og við munum ýta úr vör nýjum flugleiðum sem mæta kröfum markaðarins í samræmi við viðskiptalega forgangsröðun og rekstrarbreytingar.“

• Blogga um frétt