Skorað er á Magnús Ólaf Garðarsson, stofnanda og fyrrverandi forstjóra United silicon, í Lögbirtingablaðinu að mæta fyrir Héraðsdóm Reykjaness í september vegna kröfumáls í tengslum við gjaldþrotaskipti Sameinaðs sílikons hf., sem rak kísilverksmiðju fyrirtækisins í Helguvík.

Þrotabúið telur sig eiga kröfu á Kísil Íslands, en það var móðurfélag Sameinaðs sílikons með tæplega 80% eignarhlut, bæði beint og í gegnum önnur félög. Magnús er skráður forsvarsmaður Kísils Íslands, en skráður eigandi Kísils Íslands er hollenska félagið United Silicon Holding BV.

Fram kemur í auglýsingunni í Lögbirtingablaðinu að Magnús sé með skráð lögheimili í Danmörku en óþekktan dvalarstað á Spáni. Er skorað á hann að mæta „fyrir dóm og halda uppi vörnum ef einhverjar eru en ella má búast við að krafan verði tekin til greina með úrskurði um gjaldþrotaskipti“.

Tengdar fréttir

Kísilverksmiðja United Silicon í Helguvík

Óttast að kröfur fyrnist vegna seinagangs í rannsókn

• Dæmt til að borga 217 milljóna lán
• Arion segir þrjá kosti í stöðunni
• PCC skoðar kaup á kísilverksmiðjunni í Helguvík
• Gjaldþrotið byggir á 1,8 milljarða kröfu

» Fleiri tengdar fréttir

• Blogga um frétt