„Minn umbjóðandi er vongóður um að það verði gengið endanlega frá þessum kaupum á allra næstu dögum,“ segir Páll Ágúst Ólafsson, lögmaður Michele Ballarin sem hyggst festa kaup á eignum úr þrotabúi WOW, í samtali við mbl.is.

Greint var frá því í Morgunblaðinu í dag að kaupum Ballarin og félags hennar, Oasis Aviation Group, á flugrekstrartengdum eignum úr þrotabúi WOW air hefur verið rift. Herma heimildarmenn blaðsins að dregist hafi að innt sé af hendi greiðsla samkvæmt samningi.

Frétt af mbl.is

WOW-kaup í uppnámi

Páll Ágúst segist ekki geta tjáð sig um einstök efnisatriði viðskiptanna. „Hins vegar hefur réttilega verið skýrt frá því undanfarna daga að það eru ýmis atriði sem hafa gert það að verkum að það hefur tekið lengri tíma en áætlað var að ganga frá þessum kaupum.“

Hann segir viðskipti erlends aðila við íslenskt þrotabú flækja málið. „Staðan er flókin og viðkvæm. Af okkar hálfu er einlægur vilji til þess að ganga frá þessu eins hratt og örugglega og hægt er, en þó þannig að vandað sé til verka.“

Tengdar fréttir

Sviptivindar í flugrekstri

Gefur Icelandair aukin tækifæri

• Verktökum í nýrri byggingu Icelandair boðið í kaffi
• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play

» Fleiri tengdar fréttir

WOW air

Á eftir að koma í ljós hvort málunum verði áfrýjað

• Skúli sýknaður en 780 milljóna greiðslum rift
• „Allt sem ég gerði var með hag WOW í huga“
• Skúli mættur í dómsal
• Þrotabú WOW knýr á um bætur

» Fleiri tengdar fréttir

• Blogga um frétt