Ekki verður lengur hægt að fljúga beint frá Keflavíkurvelli til Dallas í Texas í Bandaríkjunum eftir að American Airlines ákvað að láta af þessari leið, að því er fram kemur á vef Túrista. American Airlines mun hins vegar fljúga daglega til Fíladelfíu næsta sumar.

Haft er eftir fjölmiðlafulltrúa American Airlines að breytingin feli í sér tækifæri á sviði tengiflugs þar sem félagið flýgur um öll Bandaríkin frá borginni.

Þá er sagt frá því að bæði WOW air og Icelandair hófu beint flug til Dallas í fyrra og að um leið hafi American Airlines einnig hafið flug milli Keflavíkurflugvallar og borgarinnar. Er staðhæft á vef Túrista að íslensku flugfélögin hafi ekki ráðið við samkeppnina og tilkynnt hafi verið síðastliðið haust að ekki yrði flogið til Texas í sumar.

Breytingarnar á flugi American Airlines gera það að verkum að Icelandair fær samkeppni í flugi til Fíladelfíu, en Icelandair hefur flogið til borgarinnar yfir sumartímann síðastliðin ár. Hyggst American Airlines fljúga daglega milli Íslands og Fíladelfíu frá 4. júní til 24. október.

Tengdar fréttir

Sviptivindar í flugrekstri

Bláfugl sagt hafa skilað flugrekstarleyfi

• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu

» Fleiri tengdar fréttir

• Blogga um frétt