Landsréttur hafnaði fyrir helgi kröfu Isavia þar sem þess var krafist að úrskurður Héraðsdóms Reykjaness í deilunni við ALC yrði felldur úr gildi. Héraðsdómur úrskurðaði um miðjan júlí að Isavia skyldi afhenda ALC Airbusþotu sem hafði verið kyrrsett á Keflavíkurflugvelli.

Frá þessu er greint á vef RÚV í kvöld.

Héraðsdóm­ur úrskurðaði 17. júlí að ALC þyrfti aðeins að greiða þá upp­hæð sem væri tengd vél­inni en ekki all­ar skuld­ir annarra flug­véla á veg­um WOW air við Isa­via. ALC var talið hafa sýnt fram á greiðslu allra skulda sem tengd­ar voru vél­inni og því voru fé­lag­inu veitt umráð yfir vél­inni. 

Vélinni var flogið af landi brott tveimur dögum síðar, eða 19. júlí.

Að mati Landsréttar hefur Isavia ekki lögvarða hagsmuni af því að fá niðurstöðu héraðsdóms hnekkt vegna þess að ALC hefur fengið farþegaþotuna sína. Þeim hluta var vísað frá dómi.

Dómstólnum þótti heldur ekki ástæða til að fjalla um þá niðurstöðu héraðsdóms að málskot fresti ekki réttaráhrifum úrskurðarins og var því einnig vísað frá dómi.

Frétt af mbl.is

Mega eiga von á 150 milljóna kröfu

Ekki er ljóst hver næstu skref eru en ALC mun að öllum líkindum höfða skaðabótamál á hendur Isavia. 

Tengdar fréttir

Sviptivindar í flugrekstri

Verktökum í nýrri byggingu Icelandair boðið í kaffi

• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag

» Fleiri tengdar fréttir

WOW air

Á eftir að koma í ljós hvort málunum verði áfrýjað

• Skúli sýknaður en 780 milljóna greiðslum rift
• „Allt sem ég gerði var með hag WOW í huga“
• Skúli mættur í dómsal
• Þrotabú WOW knýr á um bætur

» Fleiri tengdar fréttir

• 1 blogg um fréttina

Bloggað um fréttina

• Örn Gunnlaugsson: Að axla ábyrgð.