Mikil uppbygging strax á næsta ári

Náttúrulækningafélag Íslands hyggur á miklar framkvæmdir við Heilsustofnunina í Hveragerði á næstu árum.

Horft er bæði til uppbyggingar Heilsustofnunar og byggingar þjónustuíbúða auk heilsulindar og/eða heilsuþorps á lóð félagsins. Framkvæmdirnar, sem hafa verið í undirbúningi síðastliðin 15 ár, munu kosta milljarða króna, að sögn Gunnlaugs K. Jónssonar, forseta NLFÍ og formanns rekstrarstjórnar Heilsustofnunar.

Í samtali í ViðskiptaMogganum í dag segir hann að næsta skref sé að auglýsa arkitektasamkeppni á næstu vikum og framkvæmdir eigi að geta hafist á næsta ári.