Rúmlega þúsund manns hafa skráð sig á lista til kaupa á 130 íbúðum í fyrirhuguðu smáíbúðahverfi í Gufunesi. Runólfur Ágústsson verkefnastjóri segir áhugann vitna um mikla eftirspurn eftir hagkvæmum íbúðum fyrir fyrstu kaupendur.

Íbúðirnar eru á bilinu 31 til 61 fermetri að stærð og kosta 17 til 33 milljónir kr. Fólk velur sér íbúð við skráningu. Að sögn Runólfs hafa 40% lysthafenda sýnt áhuga á þriggja herbergja íbúðum.

Næsta skref er að kalla eftir greiðslumati. Það verður gert í næsta mánuði. Áætlað er að hefja framkvæmdir í nóvember og þá verður íbúðum úthlutað og dregið á milli umsækjenda. Áformað er að afhenda fyrstu íbúðirnar eftir eitt ár, haustið 2020, segir Runólfur í umfjöllun um þetta mál í Morgunblaðinu í dag.

Tengdar fréttir

Húsnæðismarkaðurinn

Blanda íbúða, þjónustu og verslana

• Nýjar íbúðir eru lengur að seljast
• Búseta skortir byggingarlóðir
• Horfa út fyrir Reykjavík vegna bílstæðaskorts
• „Það er verið að byggja rangar íbúðir“

» Fleiri tengdar fréttir