SAF fylgjast með í kjölfar gjaldþrots
Þorgerður Anna Gunnarsdóttir
Setja bókamerki
„Við erum að fylgjast með hvernig þessu vindur fram og reyna að átta okkur á stöðunni. Það er svolítið flókið þar sem við erum ekki með á einum stað hvaða fyrirtæki skipta við hverja en við bíðum bara eftir að heyra í félagsmönnum okkar varðandi þetta,“ segir Jóhannes Þór Skúlason, formaður Samtaka ferðaþjónustunnar, um gjaldþrot breska ferðaþjónustufyrirtækisins Thomas Cook.
Jóhannes segir þó að við fyrstu sýn virðist áhrif gjaldþrotsins á íslenska ferðaþjónustu ekki ætla að verða mjög víðtæk.
„Þeir virðast ekki hafa verið með mjög víðtæka sölu á ferðum hingað til lands þó að það hafi verið eitthvað. Við höfum ekki nægilega góðar upplýsingar um umfangið en okkur virðist að það sé ekki mjög mikið. Við bara fylgjumst með og reynum að átta okkur á stöðunni.“
Enginn Íslendingur leitað aðstoðar utanríkisráðuneytisins
Thomas Cook er rótgróið breskt ferðaþjónustufyrirtæki sem stofnað var fyrir 178 árum. Talið er að um hálf milljón farþega sé á ferðalagi á vegum Thomas Cook víðsvegar um heiminn, þar af um 150.000 Bretar.
Sveinn H. Guðmarsson, upplýsingafulltrúi utanríkisráðuneytisins, segir í samtali við mbl.is að ráðuneytið hafi ekki fengið veður af vandræðum Íslendinga vegna gjaldþrotsins.
Má mikið breytast ef Halla verður ekki forseti
Fékk ekki að kjósa á kjörstað
6,6% hafa kosið í Suðvesturkjördæmi
Íslandsbanki greiðir 570 milljónir í sekt
/frimg/1/49/61/1496139.jpg)
„Þetta er sannkölluð lýðræðisveisla“
Vanalega að ákveða sig í kjörklefanum en ekki núna
„Skoðanakannanirnar eru ekkert alveg með þetta“