„Óhjákvæmilegt“ að kæra til Hæstaréttar
Setja bókamerki
„Niðurstaða liggur nú fyrir hvað varðar þennan tiltekna úrskurð héraðsdóms. Isavia fer nú yfir niðurstöður málsins og metur næstu skref, enda hefur enn ekki verið tekin afstaða til efnislegs ágreinings um réttmæti kyrrsetningarinnar og túlkun Landsréttar í málinu frá 24. maí.“
Þetta segir Guðjón Helgason, upplýsingafulltrúi Isavia, í samtali við mbl.is spurður um niðurstöðu Hæstaréttar frá því í gær í máli Isavia gegn ALC.
Hæstiréttur staðfesti í gær úrskurð Landsréttar sem hafnaði í síðasta mánuði kröfu Isavia um að úrskurður Héraðsdóms Reykjaness í deilunni við ALC yrði felldur úr gildi. Héraðsdómur úrskurðaði um miðjan júlí að Isavia skyldi afhenda ALC Airbusþotu sem hafði verið kyrsett á Keflavíkurflugvelli.
Með úrskurði héraðsdóms var krafa ALC tekin til greina og beiðni Isavia um frestun réttaráhrifa þangað til að niðurstaða æðri dómstóls lægi fyrir var hafnað. Flugvélin var svo farin úr landi nokkrum dögum síðar. Í úrskurði Landsréttar, sem staðfestur var í Hæstarétti með vísan til forsendna hans, kom fram að ALC hefði þegar fengið umráð yfir þotunni og talið að Isavia hefði ekki lengur lögvarða hagsmuni af því að hnekkja niðurstöðu héraðsdóms.
Um verulega hagsmuni Isavia að ræða
Í samtali við mbl.is fyrr í morgun sagði Oddur Ástráðsson lögmaður ALC að honum hefði þótt „pínulítið merkilegt að Isavia“ hafi kært úrskurð héraðsdóms til bæði Landsréttar og svo Hæstaréttar í ljósi dómafordæma. Spurður um þau ummæli Odds sagði Guðjón að annað hefði verið óhjákvæmalegt vegna hagsmuna Isavia.
„Það var óhjákvæmilegt annað en að Isavia leitaði áfram með málið til bæði Landsréttar og síðan Hæstaréttar þar sem um verulega hagsmuni var að ræða fyrir félagið.“
Foreldrar skilja ekki einkunnir barna sinna
„Ekkert samtal sem hefur átt sér stað“
Kæru vættir, færið okkur logn!
Framkvæmdir í uppnámi
„Það er stutt á milli stórra atburða“
Hefur tryggt sér stuðning nógu margra kjörmanna
Var aldrei að fara að byggja glerhöll eða gámahótel