15. október gæti orðið sögulegur dagur í íslenskri flugsögu miðað við upplýsingar sem koma frá heimildarmönnum ViðskiptaMoggans á flugmarkaði. Segja þeir að þann dag muni draga til tíðinda hjá bæði WAB og WOW 2, sem bæði hyggja á flugrekstur til og frá Íslandi.

Á bak við WAB, eða We Are Back, standa m.a. fyrrverandi starfsmenn hins fallna flugfélags WOW, með Svein Inga Steinþórsson, sem stýrði hagdeild WOW, þar í forsvari. Á bak við WOW 2 stendur bandaríska athafnakonan Michele Roosevelt Edwards, og nýtur hún liðsinnis almannatengilsins Gunnars Steins Pálssonar og lögmannsins Páls Ágústs Ólafssonar hér á landi.

Sagt var frá því í ViðskiptaMogganum á dögunum að samkvæmt heimildum yrði fyrsta flug WOW 2 frá Washington hingað til Íslands um miðjan október. Þessar fyrirætlanir virðast hafa raskast. Hins vegar er fullyrt að bókunarvefur félagsins sé langt kominn og fari í loftið á þessum degi, 15. október.

Frétt af mbl.is

Áætlun WOW air frestast

Fljúga í lok nóvember

Hvað WAB varðar segja heimildir á flugmarkaði að þennan sama dag muni WAB sýna spilin og senda frá sér fréttir um sín áform. Segja sömu heimildir að stefnt sé að því að fljúga fyrsta flug WAB undir lok nóvembermánaðar. Hingað til hafa forsvarsmenn WAB hins vegar varist allra frétta um það sem koma skal.

Tengdar fréttir

Sviptivindar í flugrekstri

Verktökum í nýrri byggingu Icelandair boðið í kaffi

• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag

» Fleiri tengdar fréttir