Fjárhagslegri endurskipulagningu Upphafs lokið
Setja bókamerki
Vinnu við fjárhagslega endurskipulagningu Upphafs fasteignafélags slhf. með útgáfu forgangsskuldabréfs að fjárhæð 1 milljarðs kr. er lokið.
Þetta kemur fram í tilkynningu frá Mána Atlasyni, framkvæmdastjóra Gamma Capital Management.
Fram kemur, að forgangsskuldbréfið sé gefið út í kjölfar þess að skilmálabreytingar á öðrum skuldum félagsins hafi verið samþykktar.
Fjármögnunin er til að ljúka framkvæmdum á vegum Upphafs, sem er með 277 íbúðir í byggingu á höfuðborgarsvæðinu. Áætluð verklok eru í lok árs 2020.
Upphaf fasteignafélag er að fullu í eigu fagfjárfestasjóðsins GAMMA: Novus. Félagið hefur frá stofndegi byggt og selt yfir 400 íbúðir á höfuðborgarsvæðinu og hefur nú 277 íbúðir í byggingu. GAMMA: Novus var stofnaður árið 2013, að því er segir í tilkynningu.
Altjón eftir að kviknaði í út frá rafmagni
Tíu börn á spítala, þar af tvö á gjörgæslu
Útlit fyrir að hallinn verði 17 milljörðum meiri
Björgunarsveitarmaður á æfingu lést við Tungufljót
Sjá mikinn viðsnúning og ætla ekki að skerða þjónustu
Líkur á vatnavöxtum og varað við skriðum