Flugfélagið sem gengið hefur undir vinnuheitinu WAB mun fá nafnið Play. Einkennislitur nýja flugfélagsins er rauður. „Ástæðan fyrir því að við völdum þennan rauða lit er einfaldlega ástríðan sem fylgir þessum nýja lit,“ sagði Arnar Már Magnússon forstjóri.

Hann er einn fjögurra stofnenda, en hinir eru þeir Sveinn Ingi Steinþórsson, sem hefur verið helsti talsmaður WAB-verkefnisins, Þóroddur Ari Þóroddsson og Bogi Guðmundsson. 

Áætlanir nýja flugfélagsins eru nú kynntar á fjölmennum blaðamannafundi í Perlunni, en þessi kynning hefur legið í loftinu í nokkra mánuði.

Merki flugfélagsins Play í rauða einkennislitnum.

Fyrst heyrðist af stofnun flugfélagsins í júlímánuði, en þá greindi Fréttablaðið frá því að írski fjár­fest­inga­sjóður­inn Avi­anta Capital hefði skuld­bundið sig til þess að leggja nýja flug­fé­lag­inu til rúm­lega fimm millj­arða króna í hluta­fé. Ekki liggur fyrir hvort sá sjóður komi að verkefninu.

Sveinn Ingi Steinþórsson, sem er fyrrverandi yfirmaður hagdeildar WOW air og framkvæmdastjóri fjármálasviðs nýs félags, sagði við fjölmiðla nokkrum dögum síðar að sótt hefði verið um flugrekstrarleyfi til Samgöngustofu í lok júní. Þá sagði hann einnig að stefnt yrði að því að stofna íslenskt félag með íslenskt starfsfólk og flugrekstrarleyfi.

Félagið réð starfsfólk og hóf starf­semi í byrj­un ág­úst á nýrri skrif­stofu á Reykja­vík­ur­vegi í Hafn­ar­f­irði, þar sem Acta­vis hafði áður aðstöðu. Sveinn Ingi sagði þá að ekk­ert myndi stoppa fé­lagið. „Ég er al­veg grjót­h­arður á þessu. Það er ekk­ert sem stopp­ar okk­ur þessa stund­ina.“ 

Frá blaðamannafundinum í Perlunni. mbl.is/Hari

Tengdar fréttir

Sviptivindar í flugrekstri

Gefur Icelandair aukin tækifæri

• Verktökum í nýrri byggingu Icelandair boðið í kaffi
• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play

» Fleiri tengdar fréttir

Flugfélagið Play

Uppgjörið vonbrigði að mati forstjóra

• Innherji: Níutíu prósentin hjá Controlant og Play
• Líst vel á fyrirætlanir Play
• Hafa áður farið á móti straumnum
• Greinendur svartsýnir á stöðu Play

» Fleiri tengdar fréttir

• Blogga um frétt