Landsvirkjun hagnast um 11 milljarða
Setja bókamerki
Hagnaður Landsvirkjunar á fyrstu níu mánuðum þessa árs nemur 89 milljónum Bandaríkjadala, eða um 11 milljörðum íslenskra króna. Á sama tíma í fyrra var hagnaðurinn 89,3 milljónir dala. Hagnaður fyrir óinnleysta fjármagnsliði nam 127,6 milljónum dala á tímabilinu, eða um 15,8 milljörðum, en var 133,4 milljónir dala á sama tíma í fyrra.
Rekstrartekjur fyrirtækisins lækkuðu um 26,4 milljónir dala milli ára, en þær voru á fyrstu níu mánuðum þessa árs 372,4 milljónir dala. Skuldir hafa lækkað um 171,8 milljónir dala, eða 21,3 milljarð frá áramótum og voru í september 1.712,8 milljónir dala, eða 212,4 milljarðar króna.
Í tilkynningu frá félaginu er haft eftir Herði Arnarsyni forstjóra að rekstur aflstöðva hafi almennt gengið vel og að vel hafi gengið að bæta nýjustu aflstöðvunum; Búrfellsstöð II og Þeistareykjastöð við raforkukerið. Afkoman litist hins vegar af erfiðum ytri aðstæðum þar sem afurðaverð stórra viðskiptavina hafi verið lágt og þróun álverðs hafi haft neikvæð áhrif á tekjurnar.
Önnur aurskriða við Eyrarhlíð
Skoða hvort Hvalur 8 og 9 geti hitað upp Suðurnes
Taldi betra fyrir drengina að deyja
„Allt í rusli“ við brúargerð á Vestfjörðum
Tré brotnuðu og umferðarskilti lagðist á hliðina
Glíma enn við eftirköst E.coli-smits í Efstadal
„Einhverjir töfrar sem gerast“
