Verð hlutabréfa í Icelandair Group tók dýfu í fyrstu viðskiptum dagsins í Kauphöllinni og var verð á hvern hlut 7,4 krónur, um 4,5% lægra en það var við opnun markaða í morgun, eftir 36 milljóna króna viðskipti.

Síðan þá hefur verðið þokast upp á við og stendur lækkun dagsins nú í 3,8%.

Flugfélagið tilkynnti í morgun að það gerði ekki ráð fyrir Boeing 737 MAX-vélum sínum í flugáætlun sinni fyrr en í maí á næsta ári.

Frétt af mbl.is

Icelandair tilkynnir breytta áætlun

Icelanda­ir Group hef­ur 9 MAX-vél­ar í flota sín­um sem stend­ur og til stend­ur að taka við fimm vél­um af þeirri teg­und til viðbót­ar á nýju ári. Flugvélaframleiðandinn Boeing tilkynnti í gærkvöldi að framleiðsla vélanna yrði stöðvuð tímabundið í janúar.

Hlutabréfaverð Icelandair hefur sveiflast mikið undanfarnar vikur. Um og eftir miðjan október fór verð á hvern hlut niður í 5,5 krónur en síðan hækkaði verðið að nýju og var 8,68 þann 10. þessa mánaðar.

Tengdar fréttir

Sviptivindar í flugrekstri

Verktökum í nýrri byggingu Icelandair boðið í kaffi

• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag

» Fleiri tengdar fréttir

• Blogga um frétt