Play búið að greiða laun

Flugfélagið Play er búið að greiða starfsfólki sínu laun fyrir nóvembermánuð. Þetta staðfesti María Margrét Jóhannsdóttir upplýsingafulltrúi félagsins í samtali við mbl.is. Einnig hafa öll launatengd gjöld verið greidd.

Frétt af mbl.is

Play hefur ekki greitt laun fyrir nóvembermánuð

Í frétt mbl.is þann 4. desember kom fram að félagið hefði ekki greitt út laun fyrir nóvembermánuð. Sagt var að töf yrði á launagreiðslum á meðan verið væri að ljúka við hlutafjársöfnun fyrir félagið. Henni er þó ekki lokið þrátt fyrir launagreiðslurnar að sögn Maríu en er „á lokametrunum“.

María Margrét Jóhannsdóttir samskiptafulltrúi flugfélagsins (t.v.) á kynningarfundi Play í nóvember. mbl.is/Hari

„Það skýrist ekkert meira um þetta fyrir jól. Þetta er á lokametrunum og gengur vel,“ sagði María um hlutafjársöfnunina.

Íslensk verðbréf leiða hlutafjársöfnun fyrirtækisins upp á 12 milljónir evra, um 1,7 milljarða íslenskra króna. Play hefur þegar fengið vilyrði um lán frá breska fjárfestasjóðnum Athene Capital upp á 40 milljónir evra að því gefnu að félagið safni umræddu hlutafé. Áætlanir Play gerðu ráð fyrir í fyrstu að hefja sölu á fargjöldum í lok nóvember eða byrjun desember. Áætlanir félagsins um að tryggja kjölfestufjárfesti hafa þó gengið hægar fyrir sig en forsvarsmenn Play gerðu ráð fyrir sem tafið hefur ferlið.

• Blogga um frétt