„Jólabjórinn okkar selst betur en áður, hann rýkur hreinlega út og nú fer hver að verða síðastur í verslunum,“ segir Sigurpáll Melberg Pálsson, vörumerkjastjóri Tuborg hjá Ölgerðinni, í svari við fyrirspurn mbl.is.
Tilkynnt var síðastliðinn fimmtudag að birgðir Ölgerðarinnar af Tuborg Julebryg væru búnar og að allt sem til væri væri komið í Vínbúðir.
„Í lítrum talið erum við að tala um aukningu upp á um 16% í sölu,“ segir Sigurpáll.
„Við erum hreinlega búinn með allan jólabjór á lagernum hjá okkur, svo við getum fullyrt að jólabjórinn okkar hefur slegið í gegn hjá landsmönnum og virðist vera orðinn ómissandi hluti af aðventuhátíð Íslendinga.“