Boðar flugtak nýja WOW air á næstu vikum
Setja bókamerki
Tengdar fréttir
Sviptivindar í flugrekstri
Michele Roosevelt Edwards, eigandi nýja WOW air, boðar að flugrekstur félagsins muni hefjast á komandi vikum. Félagið muni tengja lönd og heimsálfur og heitir hún viðskiptavinum öryggi, þægindum og sanngjörnum fargjöldum. Þetta kemur fram í yfirlýsingu sem Edwards sendi frá sér á Linkedin-síðu sinni í dag.
Þetta er þó ekki í fyrsta skiptið sem Edwards segir að stutt sé í að félagið hefji flugrekstur, því á blaðamannafundi í september, eftir að Edwards hafði keypt eignir þrotabús WOW, sagði hún að hið nýja félag myndi hefja sig til flugs í október.
Ekkert varð hins vegar af því og sagði Edwards, sem fram að þeim tíma hafði gengið undir nafninu Michele Ballarin, við vefinn Flightglobal að áætlun um að hefja flugferðir hefði verið frestað fram í desember.
Gunnar Steinn Pálsson, almannatengill og talsmaður Edwards, sagði í samtali við mbl.is þá að félagið væri á réttri leið, en undirbúningsferlið gengi hægar en vonir hefðu staðið til.
Tengdar fréttir
Sviptivindar í flugrekstri
Hentugt gos fyrst gýs á annað borð
Þarf að koma til móts við ólíkar þarfir lækna
Sjötti ferðamaðurinn er látinn
Nýtt fangelsi í landi Stóra-Hrauns tilbúið 2028
/frimg/1/53/8/1530844.jpg)
Myndir: Náttúrulegur þröskuldur að taka við
Rússar sagðir útvega N-Kóreu milljón olíutunnur
Sólveig Anna furðar sig á aðferðum kennara
Fullvissa ferðamenn um að hér sé öruggt