Í alþjóðlegum flugrekstrarheimi þekkja flestir hana undir nafninu Nina Jonsson en hún var skírð Jónína Ósk Sigurðardóttir. Hún hefur lengst af búið í Bandaríkjunum og á að baki þriggja áratuga reynslu af flotastjórnun stærstu flugfélaga í heimi.
Hún hefur komið að kaupum og sölu á yfir 1.000 farþegaþotum og þyrlum á ferlinum og er hvergi nærri hætt. Næsta stopp er stjórn Icelandair Group þar sem hún tók sæti á föstudaginn síðasta, að því er fram kemur í ViðskiptaMogganum í dag.
Ekkert virðist koma henni úr jafnvægi enda hefur hún staðið af sér gjaldþrot og sameiningar í síkvikum heimi flugfélaganna. Hún veit sem er að félögin sveiflast upp og niður og öll él birtir upp um síðir. Í fyrsta viðtalinu sem Nina veitir íslenskum miðli fer hún yfir ferilinn og þau tækifæri sem hún sér í kortunum fyrir Icelandair.