Arion banki lækkar vexti

Í kjölfar nýlegrar stýrivaxtalækkunar Seðlabanka Íslands hefur Arion banki tekið þá ákvörðun að breyta innláns- og útlánsvöxtum bankans. Breytingin tekur gildi 23. mars. Landsbankinn og Íslandsbanki hafa þegar lækkað sína vexti

Helstu breytingar hjá Arion banka eru eftirfarandi:

- Óverðtryggðir breytilegir íbúðalánavextir lækka um 0,30% og verða 4,19%.

- Almennir óverðtryggðir kjörvextir lækka um 0,30% og almennir verðtryggðir kjörvextir lækka um 0,10%.

- Yfirdráttarvextir og vextir greiðsludreifinga haldast ýmist óbreyttir eða lækka um 0,30% - 0,50%.

- Vextir bílalána lækka um 0,10% - 0,50%.

- Breytilegir innlánavextir bankans munu í mörgum tilfellum haldast óbreyttir þrátt fyrir stýrivaxtalækkun en þó munu vextir nokkurra innlánareikninga lækka um 0,05% - 0,50%.

- Vextir íbúðalána með föstum vöxtum haldast óbreyttir.

Frétt af mbl.is

Landsbankinn lækkar vexti

Frétt af mbl.is

Íslandsbanki lækkar aftur vexti

• Blogga um frétt