Kaup Torgs á DV samþykkt
Setja bókamerki
Samkeppniseftirlitið hefur samþykkt samruna Torgs ehf. og Frjálsrar fjölmiðlunar. Telur stofnunin að samruninn leiði ekki til þess að markaðsráðandi staða verði til eða styrkist eða að samkeppni verði raskað með umtalsverðum hætti.
Torg er útgáfufélags Fréttablaðsins og frettabladid.is, auk þess sem Hringbraut er dótturfélag Torgs. Frjáls fjölmiðlun er útgáfufélag DV og dv.is, en auk þess fylgdi með í kaupunum gagnasafn útgáfunnar.
Fram kemur í tilkynningu frá Samkeppniseftirlitinu að gagna hafi verið aflað frá samrunaaðilum og hagsmunaaðilum við meðferð málsins. Þá hafi umsagnar fjölmiðlanefndar einnig verið aflað. Þá er tekið fram að í ljósi aðstæðna og áhrifa af útbreiðslu kórónuveirunnar á verkefni eftirlitsins verður ákvörðun, þar sem nánar er fjallað um rannsóknina, birt innan skamms á vefsíðu eftirlitsins.
Í lok síðasta árs þegar tilkynnt var um kaup Torgs á eignum Frjálsrar fjölmiðlunar, sagði Sigurður G. Guðjónsson, eigandi Frjálsrar fjölmiðlunar, að með kaupunum væri Torg að búa til stærri miðil á netinu heldur en frettabladid.is er í dag, en dv.is er þriðji stærsti vefmiðillinn.
Frjáls fjölmiðlun var rekin með tæplega 240 milljóna króna tapi árið 2018.
Útspil ríksins hafi hleypt illu blóði í félagsmenn
„Mikil neyð hjá mörgu fólki“
Tala látinna hækkar enn vegna flóðanna
Fjögurra manna fjölskylda slapp úr brennandi íbúð
„Við í Prís höfum áhuga á að fara á Nesið“
„Algjört hörmungarástand“
Ekki lengur hefðbundin meðferðardeild á Stuðlum
Sex ár fyrir hnífstungu við Hofsvallagötu
