Slitabú hins fallna WOW Air, þátttakendur í skuldabréfaútboði félagsins sem efnt var til í september 2018 og flugvélaleigufyrirtækið Air Lease Corporation, freista þess að fá meint tjón sitt bætt sem þessir aðilar telja sig hafa orðið fyrir vegna ákvarðana stjórnenda og stjórnar WOW air.

Lúta kröfurnar að málum sem öll tengjast með einum eða öðrum hætti stórtækum björgunartilraunum sem ráðist var í haustið 2018 og á fyrstu mánuðum ársins 2019 í veikburða tilraun til þess að forða félaginu frá gjaldþroti. Kröfur aðilanna þriggja nema mörgum milljörðum króna en misjafnt er milli málanna hvort greiðslu bóta er krafist úr hendi stjórnar félagsins, stjórnenda þess eða aðeins forstjórans og eigandans, Skúla Mogensen.

Víðfeðmasta krafan er, samkvæmt upplýsingum sem ViðskiptaMogginn hefur undir höndum, komin frá slitabúi félagsins. Tengist krafan meðferð fjármuna félagsins, m.a. í tengslum við íbúðakaup í London, fyrrnefnt skuldabréfaútboð og millifærslur fjármuna milli WOW air og Títans Fjárfestingarfélags, sem var móðurfélag flugfélagsins og einnig í 100% eigu Skúla, að því er fram kemur í umfjöllun um mál þetta í ViðskiptaMogganum í dag.

Tengdar fréttir

WOW air

Á eftir að koma í ljós hvort málunum verði áfrýjað

• Skúli sýknaður en 780 milljóna greiðslum rift
• „Allt sem ég gerði var með hag WOW í huga“
• Skúli mættur í dómsal
• Þrotabú WOW knýr á um bætur

» Fleiri tengdar fréttir