Herdís Fjeldsted tekur tímabundið við Valitor

Herdís Fjeldsted, varaformaður stjórnar Arion banka og formaður stjórnar Valitor, mun taka tímabundið við starfi forstjóra Valitor eftir að Viðar Þorkelsson, forstjóri Valitor, hefur komist að samkomulagi við stjórn félagsins um að hann láti af störfum eftir áratug við stjórnvölinn. Þetta kemur fram í tilkynningu frá Arion banka.

Herdís mun gegna starfinu þar til stjórn Valitor hefur ráðið forstjóra til frambúðar. Í tilkynningunni segir að á því tímabili sem Herdís gegnir starfi forstjóra Valitor mun hún ekki taka þátt í störfum stjórnar Arion banka.

 Þór Hauksson, varaformaður stjórnar Valitor,  mun taka sæti hennar sem stjórnarformaður félagsins á meðan Herdís sinnir starfi forstjóra.

Frétt af mbl.is

Starfsmönnum Valitors fækkar um 60

Viðar var ráðinn til Valitor sumarið 2010, en hann var áður forstjóri fasteignafélagsins Reita. 

Talsverðir erfiðleikar hafa verið á rekstri Valitor undanfarið, en í byrjun árs var 60 starfsmönnum sagt upp hjá fyrirtækinu. Þá þurfti félagið að færa niður óefnislegar eignir um 4 milljarða í janúar og kom það til viðbótar við tap og sölukostnað upp á 1,7 milljarða á síðasta ársfjórðungi síðasta árs.

Frétt af mbl.is

Valitor og Helguvík þurrka upp hagnað Arion

Viðar Þorkelsson, fráfarandi forstjóri Valitor. Mynd/Valitor

• Blogga um frétt