Heildarskuldbindingar Valitor vegna greiðslumiðlunar fyrir um 430 fyrirtæki í ferðaþjónustu bæði hér á landi og erlendis nemur 1,7 milljörðum króna. Þetta kemur fram í tilkynningu frá Valitor.

„Í ljósi COVID-19 hefur verið nokkur umræða bæði hér á landi og erlendis um skuldbindingar fjármálafyrirtækja vegna ferðaþjónustu. Vegna fjölmargra fyrirspurna hefur Valitor ákveðið að birta áætlaða heildarskuldbindingu félagsins vegna greiðslumiðlunar fyrir um 430 fyrirtæki í ferðaþjónustu bæði hér á landi og erlendis. Heildarskuldbiningin er um 1,7 milljarðar króna, þar af nemur engin einstök skuldbinding hærri upphæð en 0,7 milljörðum króna. Heildarskuldbindingin nær til hótela, ferðaskrifstofa, flugfélaga, bílaleiga og annarra ferðaþjónustufyrirtækja.

Valitor leggur nú sem fyrr áherslu á að stýra skuldbindingum sínum þannig að þær séu innan þeirra marka sem félagið telur ásættanleg,“ segir í tilkynningu frá Valitor. 

Frétt af mbl.is

Herdís Fjeldsted tekur tímabundið við Valitor

Frétt af mbl.is

Stýrivaxtabreytingar „kornið sem fyllti mælinn“

Tengdar fréttir

Kórónuveiran Covid-19

Stefna Norðmenn ríkinu vegna bólusetninga?

• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“
• Rétti barni sínu frekar sígarettur en iPad

» Fleiri tengdar fréttir

• Blogga um frétt