Langar biðraðir fyrir utan Vínbúðirnar

Biðraðir fyrir utan Vínbúðir voru í lengri kantinum í dag, í það minnsta á höfuðborgarsvæðinu. Hvort það hafi verið vegna tveggja metra reglunnar eða vegna þess að Íslendingar ætla ekki að láta bjóða sér upp á áfengislausa páska er ekki gott að segja. Það er þó ljóst að margir ætla að skála aðeins um helgina.

„Ég er ekki komin með tölur yfir söluna en ég gæti trúað því að það hafi verið mjög mikið. Ég sá það nú bara sjálf þegar ég keyrði framhjá einni búðinni,“ segir Sigrún Ósk Sigurðardóttir, aðstoðarforstjóri Vínbúðarinnar, í samtali við mbl.is.

Hægt verður að rýna í sölutölur á mánudaginn og kemur þá í ljós hversu þyrstir landsmenn voru yfir helgina.

Vínbúðin í Stekkjarbakka var sömuleiðis vel sótt í dag. Mynd/mbl.is

• 1 blogg um fréttina

Bloggað um fréttina

• Jóhann Elíasson: "INNLIMUNARSINNAR" AÐ DREKKJA SORGUM SÍNUM...............