Stjórnvöld í Frakklandi undirbúa nú björgunarpakka upp á milljarða evra til að hjálpa bílaframleiðandanum Renault og flugfélaginu Air France, í því skyni að styðja þau í gegnum afleiðingar faraldurs kórónuveirunnar.
Þetta sagði fjármálaráðherrann Bruno Le Maire í samtali við sjónvarpsstöina TF1 rétt í þessu. Franska ríkið á hlut í báðum fyrirtækjum.
Gert er ráð fyrir að Air France fái sjö milljarða evra, þar af séu fjórir milljarðar í formi bankalána með ríkisábyrgð og þrír milljarðar í formi beinna lána frá ríkinu.
Fimm milljarðar renni þá til Renault í formi bankalána.