Bréf í Icelandair hafa hrapað um 40% í tæplega 9 milljón króna viðskiptum í Kauphöllinni í morgun. Með þessu er gengi félagsins komið niður í 1,4 krónur á hlut, en það er lægsta gengi félagsins frá upphafi. Hafði gengið áður farið niður í 1,814 krónur á hlut þann 14. október 2009.

Frétt af mbl.is

Eiga nóg til að starfa fram að útboði

Í tilkynningu félagsins á föstudaginn til Kauphallarinnar kom fram að samkvæmt bráðabirgðatölum úr uppgjöri félagsins væri rekstrartap Icelandair group á fyrsta ársfjórðungi 26,8 milljarðar króna. Drógust tekjur félagsins saman um 16% á tímabilinu, en afkoman hafði batnað á fyrstu tveimur mánuðum ársins, en versnaði svo mikið í mars í kjölfar afleiðinga kórónuveirufaraldursins.

Þá kom jafnfram fram að fyrirhugað væri að auka hlutafé félagsins um 30 milljarða hluta og safna þannig um 200 milljón dölum, sem er jafnvirði um 29,2 milljörðum króna.

Uppgjör félagsins vegna fyrsta ársfjórðungs verður birt síðar í dag.

Frétt af mbl.is

Tap Icelandair 26,8 milljarðar á fyrsta ársfjórðungi

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt