403 starfsmönnum Bláa lónsins verður sagt upp störfum frá og með næstu mánaðamótum. Þetta kemur fram í tilkynningu frá fyrirtækinu, en þar segir að vonast sé til að hægt verði að ráða starfsfólkið aftur til starfa þegar ytri aðstæður breytast til hins betra.

Tekið er fram að laun þeirra starfsmanna sem ekki er sagt upp verði skert, mest hjá forstjóra og stjórn, um 30%, 25% hjá framkvæmdastjórn og minna hjá öðrum.

164 starfsmönnum fyrirtækisins var sagt upp í marsmánuði.

Frétt af mbl.is

Á annað hundrað sagt upp hjá Bláa lóninu

„Bláa Lónið hefur gripið til aðgerða til að bregðast við miklum samdrætti og óvissu í ferðaþjónustu næstu misseri. Nú er orðið ljóst að áhrifin af Covid-19 eru miklu umfangsmeiri og langvinnari en væntingar voru um,“ segir í tilkynningunni.

Lónið opnað 19. júní

„Þrátt fyrir mikla óvissu hefur verið ákveðið að opna allar starfsstöðvar Bláa Lónsins á ný þann 19. júní næstkomandi, eftir tæplega þriggja mánaða lokun en á því tímabili hefur fyrirtækið verið nær tekjulaust.  

Markmið þeirra aðgerða sem Bláa Lónið hefur nú gripið til er að gera fyrirtækinu kleift að komast í gegnum þá óvissutíma sem framundan eru. Bláa Lónið, sem leiðandi fyrirtæki í íslenskri ferðaþjónustu, ætlar sér að taka þátt í viðspyrnu greinarinnar af fullum krafti þegar birta tekur að nýju.“

Frétt af mbl.is

Boðað til starfsmannafundar hjá Bláa lóninu

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• 1 blogg um fréttina

Bloggað um fréttina

• Örn Gunnlaugsson: Skattgreiðendur blæða.