Þýska flugfélagið Lufthansa mun fækka störfum um 22 þúsund eða sem nemur 16% af starfsmönnum félagsins. Þetta er gert vegna þess að um 100 færri flugvélar verða í notkun hjá félaginu eftir kórónuveirukreppuna að því er segir í tilkynningu.

Um er að ræða starfsfólk í fullu starfi og er um helmingur þeirra starfandi fyrir Lufthansa í Þýskalandi.

Stjórnendur Lufthansa telja að spurn eftir flugi verði hæg í sjáanlegri framtíð. Um 700 af 763 flugvélum félagsins voru kyrrsettar þegar kórónuveirufaraldurinn fór að geisa í Evrópu og neyddist félagið til þess að setja 87 þúsund starfsmenn í hlutabótastarf. 

Lufthansa fékk í síðustu viku 9 milljarða evra aðstoð frá þýska ríkinu en tap félagsins á fyrsta ársfjórðungi nema 2,3 milljörðum evra.

Tengdar fréttir

Sviptivindar í flugrekstri

Bláfugl sagt hafa skilað flugrekstarleyfi

• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu

» Fleiri tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt