Viðskiptavinum Icelandair hefur gengið illa að fá endurgreitt frá flugfélaginu vegna aflýstra flugferða. Í sumum tilfellum hefur enn ekki borist greiðsla þó að liðnir séu nokkrir mánuðir frá því óskað var eftir endurgreiðslu.

Að sögn Ásdísar Ýrar Pétursdóttur, upplýsingafulltrúa Icelandair, hefur tekið langan tíma að afgreiða málin. Segir hún að niðurfellingar flugfélagsins vegna heimsfaraldurs kórónuveiru hafi haft áhrif á hundruð þúsunda farþega.

Um þriðjungur umræddra farþega hefur óskað eftir endurgreiðslu miða. Þá hefur meirihluti þegið inneignarnótur eða fallist á að breyta dagsetningum flugferða.

„Við þurftum að fella niður nær allt flug á þessum tíma. Það er því ljóst að þetta hafði áhrif á hundruð þúsunda farþega og þar af hefur þriðjungur óskað eftir að fá miðana endurgreidda. Það eru mörg útistandandi mál og það hefur tekið langan tíma að afgreiða þau. Við gerum allt sem við getum til að afgreiða þetta eins fljótt og mögulegt er,“ segir Ásdís, sem aðspurð kveðst ekki þekkja hvort kröfur einstakra viðskiptavina hafi verið sendar í innheimtu.

Neytendasamtökin hafa fengið inn á borð til sín mál viðskiptavina Icelandair, segir Breki Karlsson, formaður samtakanna, að því er fram kemur í umfjöllun um mál þetta í Morgunblaðinu í dag.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir