„Það er klárt mál að sá sem tekur út séreignarsparnað mun eiga minni séreign á seinni árum. Persónulega finnst mér að svona ráðstöfun ætti alltaf bara að vera tímabundin en best af öllu væri að ekki þyrfti að breyta kerfinu á þennan hátt,“ segir Björn Berg Gunnarsson, deildarstjóri greiningar hjá Íslandsbanka.

Frétt af mbl.is

Tóku út 12 milljarða í séreignarsparnað

Ríflega 12 milljarðar af séreignarsparnaði voru teknir út vegna sérstakrar útgreiðslu í ljósi veirufaraldursins, á tímabilinu apríl til júlí. Útgreiðslan var til þess fallin að aðstoða heimili sem stæðu höllum fæti vegna faraldursins, að sögn Björns, og því ætti ekki að taka út sparnaðinn nema að vel ígrunduðu máli.

„Tilgangurinn með því að opna fyrir þessa heimild er að aðstoða aðra vegna þeirra aðstæðna sem komnar eru upp vegna COVID. Hins vegar þurfum við að hafa í huga að ástæða þess að séreignarsparnaður er með 60 ára úttektartakmark er að sparnaðurinn nýtist fólki á lífeyrisaldri,“ segir hann. Þó sé hverjum frjálst að nýta heimildina.

Í því samhengi skipti máli í hvað sparnaðurinn fari; hvort það sé einkaneysla, iðgjöld húsnæðislána eða útborgun á íbúð gæti skipt verulegu máli. Á heildina litið hafi þó aðgengi einstaklinga á peninga jákvæð skammtímaáhrif á hagkerfið.

„Þetta er heimild sem á við um alla, allir geta nálgast séreignina sína en það er ekki víst að það sé góð hugmynd fyrir alla. En vonandi verður þetta til þess að hjálpa fólki yfir erfiðasta hjallann núna og kannski verður á einhverjum tímapunkti hægt að bæta þetta upp eða auka sparnað á einhverjum tíma, fyrir efri árin,“ segir hann að endingu.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt