Birta lífeyrissjóður tók ekki þátt í hlutafjárútboði Icelandair, en lífeyrissjóðurinn er fyrir útboðið fjórði stærsti hluthafi Icelandair með 7,07% hlut. Þar með er ljóst að tveir af fjórum stærstu hluthöfum félagsins tóku ekki þátt í útboðinu, auk þess sem PAR investment, bandarískur fjárfestingasjóður sem var um tíma stærsti hluthafinn, en er nú næst stærsti hluthafinn, hefur undanfarna mánuði selt sig niður í Icelandair.

Greint er frá ákvörðun Birtu á heimasíðu sjóðsins, en þar kemur fram að samstaða hafi verið um þessa ákvörðun hjá bæði starfsmönnum og stjórn félagsins eftir ítarlega skoðun á málinu „þar sem mörg fagleg sjónarmið vógust á.“

Fyrr í dag var greint frá að Lífeyrissjóður verzlunarmanna hefði ekki tekið þátt í útboðinu, en sjóðurinn er stæsti hluthafi Icelandair. Þá hefur komið fram að Lífeyrissjóður starfsamanna ríkisins hafi skuldbundið sig fyrir um tveggja milljarða króna hlut.

Tengdar fréttir

Sviptivindar í flugrekstri

Bláfugl sagt hafa skilað flugrekstarleyfi

• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu

» Fleiri tengdar fréttir

• Blogga um frétt