Fjárfesta fyrir 2 milljarða í Controlant

Íslenska upplýsingatæknifyrirtækið Controlant hefur lokið við hlutafjárútboð þar sem söfnuðust tveir milljarðar króna, en með því hefur félagið safnað samtals 3,5 milljörðum í gegnum hlutafjárútboð og breytileg skuldabréf á árinu.

Meðal þátttakenda í útboðinu núna voru innlendir stofnanafjárfestar úr hópi tryggingafélaga og lífeyrissjóða, þar á meðal Sjóvá og VÍS, auk núverandi hluthafa og annarra innlendra og erlendra fjárfesta.

Frétt af mbl.is

Semja við risa á lyfjamarkaði

Þetta er líklega stærsta einstaka fjárfesting í nýsköpunarfyrirtæki frá því að faraldurinn fór af stað, en fyrr í dag fór Viðskiptamogginn yfir helstu fjárfestingar í þeim geira frá því að kórónuveirufaraldurinn hófst í mars. Síðan þá hefur verið fjárfest í nýsköpunarfyrirtækjum fyrir tæplega 10 milljarða, en stærsta einstaka fjárfestingin voru 1,7 milljarðar sem fóru til hugbúnaðarfyrirtækisins GRID.

Frétt af mbl.is

Sprotar safna milljörðum í faraldrinum

Controlant hefur þróað rauntímalausnir til að fylgjast með hitastigi og staðsetningu á viðkvæmum vörum í flutningi og geymslu. Þannig gerir félagið ráð fyrir að vera í stóru hlutverki við dreifingu á bóluefni gegn kórónuveirunni á fyrri hluta næsta árs og gerir félagið ráð fyrir tæplega fimm milljarða króna veltu á næsta ári. Myndi það þýða tíföld velta frá síðasta ári.

Starfsmenn Controlant eru nú um eitt hundrað og hefur félagið gert samninga við sex af stærstu lyfjafyrirtækjum í heimi.

„Vöxtur Controlant hefur farið langt fram úr áætlunum á þessu ári og var því ákveðið að ráðast í hlutafjáraukningu nú í haust, fyrr en gert hafði verið ráð fyrir. Við stefndum á að safna einum milljarði króna en eftirspurn var ríflega tvöföld,” er haft etir Guðmundi Árnasyni, fjármálastjóra fyrirtækisins í tilkynningu.

• Blogga um frétt