Rekstur ferðaskrifstofa Arion-banka stöðvast
Setja bókamerki
Solresor og Solia voru systurfélög Heimsferða og í morgun hefur komið fram í sænskum fjölmiðlum að rekstur þeirra hafi stöðvast. Ferðaskrifstofurnar eru í eigu Arion-banka. Fjallað er um málið á ferðavefnum Túristi í morgun.
Þar segir að í uppgjöri við Andra Má Ingólfsson, sem var aðaleigandi Heimsferða, tók Arion banki yfir rekstur sjö norrænna ferðaskrifstofa sem þá heyrðu undir danska félagið TravelCo Nordic.
Það félag var hins vegar lýst gjaldþrota undir lok síðasta mánaðar og var þá ennþá í eigu íslenska bankans. Arion keypti svo Heimsferðir og vörumerki dönsku ferðaskrifstofunnar Bravo tours í Danmörku út úr þrotabúi TravelCo Nordic.
Solresor í Svíþjóð og Solia í Noregi urðu eftir í hinu gjaldþrota móðurfélagi og nú segir á heimasíðum ferðaskrifstofanna tveggja að reksturinn hafi stöðvast. Viðskiptavinum er vísað á danska ferðaábyrgðasjóðinn varðandi endurgreiðslur á ferðum en líkt og Túristi hefur fjallað um þá gæti fall TravelCo Nordic kostað danska skattgreiðendur um 2,2 milljarða íslenskra króna. Þetta er meira tjón en danski ábyrgðasjóðurinn hefur nokkru sinni áður orðið fyrir.
Heimsferðir heyra nú undir Sólbjarg, dótturfélag Arion-banka. Stjórnarformaður þess er Benedikt Gíslason, bankastjóri Arion.
„Gefið í skyn að þetta sé öruggt“
Hroðaleg þróun sem þarf að bregðast við
Ekki vitað um alvarleg veikindi
Nóróveiran gengur enn um hálendið
Bjartsýn á að opna nýjan Kársnesskóla næsta haust
Ætlar að vanda sig enda viðkvæmt mál