Maxinn fer í loftið í vor
Setja bókamerki
Tengdar fréttir
Farþegaþota EgyptAir hrapar
„Við gerum ráð fyrir að MAX-vélarnar komi inn í áætlunina hjá okkur næsta vor.“ Þetta segir Bogi Nils Bogason, forstjóri Icelandair Group, inntur eftir viðbrögðum nú þegar bandarísk flugmálayfirvöld hafa gefið út flughæfnisvottorð á Boeing 737-MAX-vélarnar sem staðið hafa kyrrsettar um heim allan frá því í mars í fyrra.
Með því hillir undir lengstu samfelldu kyrrsetningu farþegavélar í sögu flugsins sem átti rætur að rekja til tveggja mannskæðra flugslysa í Jövuhafi og Eþíópíu sem kostuðu 346 manns lífið. „Það hefur verið talað um að Evrópska flugmálaeftirlitið muni gefa sér tvo mánuði til að fara yfir niðurstöðurnar hjá því bandaríska og þá er sennilegt að flughæfni vélarinnar verði staðfest fyrir Evrópu í janúar næstkomandi. Við gerum hins vegar ekki ráð fyrir að taka vélarnar okkar inn í áætlun fyrr en nokkru eftir það. Miðað við umsvifin sem við gerum ráð fyrir næstu mánuðina erum við með nógu margar vélar til að anna flugáætluninni.“
Tíu börn á spítala, þar af tvö á gjörgæslu
Björgunarsveitarmaður á æfingu lést við Tungufljót
Héldu að kvikuhlaup gæti verið að hefjast
Söfnuðu rúmlega 93 milljónum