Musk orðinn næstríkastur í heimi

Elon Musk, stofnandi bílaframleiðandans Tesla, hefur tekið fram úr Bill Gates sem næstríkasti maður heims, aðeins viku eftir að hann tók fram úr Mark Zuckerberg, stofnanda Facebook.

Bréf í Tesla hafa rokið upp í verði síðustu mánuði og eignir Musks samhliða því. Náði markaðsvirði Tesla 500 milljörðum dala í dag, eða um 68 billjónum íslenskra króna. Gengi bréf­anna stend­ur nú í 540 döl­um, en það hef­ur um sex­fald­ast frá því í árs­byrj­un. 

Eru eigur Musk nú metnar á 127,9 milljarða bandaríkjadala, eða um 17.350 milljarða íslenskra króna og hafa aukist um 100 milljarða dala það sem af er ári. Í ársbyrjun var Musk í 35. sæti á listanum, sem sýnir að lítið þarf til að hann missi Því þarf lítið að koma upp á til að 

Aðeins Jeff Bezos, stofnandi netverslunarinnar Amazon, er nú metinn ríkari en Musk, frumkvöðllinn óhefðbundni frá Suður-Afríku.

Enginn bílaframleiðandi hefur hærra markaðsvirði en Tesla, þrátt fyrir að fyrirtækið framleiði mun færri bíla en margir aðrir. Búist er við að fyrirtækið framleiði um 500.000 bíla í ár, allt rafbíla, samanborið við þær tíu milljónir sem Toyota framleiðir árlega.

Auk bílaframleiðslu er Musk einnig viðriðinn geimferðir. Fyrirtæki hans SpaceX sendi í síðustu viku fjóra geimfara í Alþjóðlegu geimstöðina í samstarfi við bandaríksu geimferðastofnunina NASA.

• Blogga um frétt