Erlendir sérfræðingar á Íslandi

Samtök iðnaðarins og Íslandsstofa í samvinnu við atvinnuvega- og nýsköpunarráðuneytið standa fyrir opnum rafrænum fundi kl. 12 í dag um tækifærin sem felast í að fá fleiri erlenda sérfræðinga til landsins í hátæknistörf.

Á Íslandi starfa hundruð erlendra sérfræðinga hjá fjölmörgum hugverka- og nýsköpunarfyrirtækjum. Á fundinum verður farið yfir hvers vegna það skiptir máli að fá erlenda sérfræðinga til starfa á Íslandi og hvað það er helst sem laðar þá hingað.

Erindi flytja þau Sigurður Hannesson, framkvæmdastjóri SI, Þórdís Kolbrún R. Gylfadóttir, iðnaðar- og nýsköpunarráðherra, og Tanya Zharov, aðstoðarforstjóri Alvotech. Auk þess verður nýtt kynningarmyndband Work in Iceland frumsýnt.

Bergþóra Halldórsdóttir, forstöðumaður viðskiptaþróunar hjá Íslandsstofu, er fundarstjóri.

Hér má fylgjast með beinu streymi frá fundinum:

• Blogga um frétt