Sjálfhreinsandi búnaður í Kringlunni

„Við erum fyrstir til að innleiða þetta hér á landi enda er þetta algjörlega nýtt. Þetta er liður í því að auka sóttvarnir í húsinu og veita gestum okkur öryggi,“ segir Sigurjón Örn Þórsson, framkvæmdastjóri Kringlunnar, um nýjan búnað sem nú er að finna í verslunarmiðstöðinni. 

Frétt af mbl.is

Kynna byltingarkennda hreinlætisvöru

Í Kringlunni má nú finna búnað NanoSeptic, en búnaðurinn er sjálfhreinsandi og minnkar  líkur á snertismiti. Búnaðurinn virk­ar þannig í notk­un að þunn filma er lögð ofan á hugs­an­lega snertifleti en með því drep­ast bakt­erí­ur, sem ann­ars hefðu legið á um­rædd­um flöt­um, sam­stund­is.

Búnaður frá Bandaríkjunum

Að sögn Sigurjóns er búið að koma búnaðinum fyrir á hurðum og lyftuhnöppum. „Við erum búin að líma þetta á ákveðna fleti, þar á meðal hurðar og lyftuhnappa þar sem fólk er að fara um. Þetta er búnaður sem sótthreinsar sig sjálfur,“ segir Sigurjón og bætir við að búnaðinn verði áfram að finna í verslunarmiðstöðinni næstu mánuði. 

„Við munum halda þessu eitthvað áfram, sérstaklega í ljósi aðstæðna. Þetta er búnaður sem okkur barst frá Bandaríkjunum og hreingerningarfyrirtækið Hreint sér um hér á landi. Okkur fannst sniðugt að innleiða þetta enda getur mannshöndin ekki séð um alla hreinsun.“

Búnaðurinn.

• Blogga um frétt