Icelandair skrifaði í dag undir samning um sölu og endurleigu á tveimur Boeing 737 MAX 9-flugvélum við Sky Aero Management (SKY Leasing). Þetta kom fram í tilkynningu sem félagið sendi í Kauphöll í kvöld.

Þar segir að gert sé ráð fyrir að flugvélarnar verði afhentar í öðrum ársfjórðungi 2021. Leigutími vélanna er 12 ár.

Ennfremur segir að Icelandair hafi áður gert samning við BOC Aviation um sölu og endurleigu á einni Boeing 737 MAX 8-vél ásamt fjármögnun til vara á MAX 9-flugvélunum tveimur sem nú sé ljóst að verði ekki nýtt.

Hins vegar hefur áður verið tilkynnt um fjármögnun til vara í gegnum BOC Aviation, sem er enn til staðar, fyrir þær þrjár Boeing 737 MAX-flugvélar sem áætlað er að verði afhentar á fjórða ársfjórðungi 2021 og fyrsta ársfjórðungi 2022, að því er Icelandair greinir frá.

Tengdar fréttir

Boeing

Höfnuðu samningnum og samþykktu verkfall

• Boeing frestar flugprófunum á 777X-breiðþotu
• Boeing játar sök
• Samþykktu umdeildan launapakka
• Rannsaka hvort starfsmenn hafi falsað gögn

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Alls kyns endurleiga er algeng við kaup nýrra véla.