Indland næst á dagskrá hjá Musk

Rafbílaframleiðandinn Tesla mun hefja sölu á bifreiðum fyrirtækisins í Indlandi á næsta ári. Þetta kom fram í máli Nitins Gadkaris, samgönguráðherra landsins, í viðtali við dagblaðið Indian Express fyrr í dag. 

Til að byrja með mun Tesla einungis vera með sölustöðvar í landinu, en vonir eru bundnar við að framleiðsla og samsetning bifreiða geti farið fram á Indlandi þegar fram líða stundir. Elon Musk, stofnandi og aðaleigandi Tesla, á enn eftir að tjá sig um málið. Hann staðfesti þó á twittersíðu sinni að viðskipti á Indlandi væru í bígerð. 

Indland leitar nú leiða til að draga úr mengun í landinu, en gríðarleg mengun er í stórum borgum landsins. Með sölu á rafbílum er verið að stíga skref í átt að því að fækka olíudrifnum bifreiðum á götum Indlands. 

Frétt af mbl.is

Musk segir Apple hafa afþakkað yfirtöku

• Blogga um frétt