Skapar ný tækifæri fyrir Ísland

Kvikmyndaleikstjórinn Baltasar Kormákur segir upptökuver Reykjavík Studios í Gufunesi skapa nýja möguleika í íslenskri kvikmyndagerð.

Það sé enda eitt stærsta kvikmyndaver Evrópu sem geri kleift að fullvinna erlendar kvikmyndir á Íslandi. Með því geti tekjur þjóðarbúsins af kvikmyndagerðinni stóraukist.

„Rökin fyrir því að koma til Íslands og taka upp mynd í þessu stúdíói, frá sjónarhóli þeirra sem stýra málum í Hollywood, eru að hægt er að fulltaka myndina á Íslandi, ef hún hentar í útitökur hér á landi, í stað þess að þurfa að skipta um starfslið og fara eitthvað annað í millitíðinni,“ segir Baltasar í ítarlegu viðtali í ViðskiptaMogganum í dag.