Hrannar ráðinn til 1xINTERNET

Hrannar Ásgrímsson hefur verið ráðinn í starf verkefnastjóra hjá 1xINTERNET á Íslandi. Hrannar, sem er með víðtæka reynslu úr tækni- og fjármálageiranum í verkefnastýringu, kemur til 1xINTERNET frá Creditinfo þar sem hann starfaði sem verkefna- og vörustjóri. 

Þar áður starfaði Hrannar m.a. hjá CoreMotif, LS Retail og Símanum, að því er fram kemur í tilkynningu.

Arnar Þór Sigurðarson, framkvæmdastjóri 1xINTERNET á Íslandi, segist ánægður með að fá Hrannar í hópinn. „Það er alltaf gott að fá reynt fólk eins og Hrannar í sitt lið, reynsla hans í að stýra flóknum hugbúnaðarverkefnum á eftir að reynast viðskiptavinum okkar á Íslandi mjög vel.“

1xINTERNET er svo­kallað Drupal-vef­fyr­ir­tæki sem dreg­ur nafn sitt af hug­búnaðinum sem notaður er til þess að hanna heimasíður, vef­versl­an­ir og aðrar net­lausn­ir fyr­ir viðskipta­vini. Það hefur unnið með fjölda íslenskra fyrirtækja og stofnana undanfarin ár, má þar meðal annars nefna Reykjavíkurborg, Háskóla Íslands, Náttúrufræðistofnun, Mikluborg, Pennann/Eymundsson, Hugverkastofu og Eldum rétt. Helstu viðskiptavinir 1xINTERNET erlendis eru meðal annars Unity Technologies, Jägermeister, EFTA og Nestlé.

• Blogga um frétt