Hæstiréttur hefur hafnað að taka fyrir mál Umhverfisstofnunar (UST) gegn þrotabúi WOW air, en Landsréttur hafði áður staðfest úr­sk­urð Héraðsdóms Reykja­vík­ur í málinu þar sem hafnað var þeirri kröfu UST að þrota­bú Wow air yrði gert að skila stofn­un­inni sam­tals 516 los­un­ar­heim­ild­um inn í ETS-skrán­ing­ar­kerfi með los­un­ar­heim­ild­ir sem eru í um­sjón UST. 

Heim­ild­irn­ar voru í vörsl­um þrota­bús­ins en voru svo seld­ar með samn­ing í apríl 2019 til CFP Energy Lim­ited. Í úr­sk­urði Lands­rétt­ar seg­ir m.a. að óum­deilt sé að rétt­ind­in séu ekki leng­ur í vörsl­um þrota­bús­ins.

Um­hverf­is­stofn­un krafðist viður­kenn­ing­ar á til­tek­inni stöðu rétt­ind­anna í skuldaröð við gjaldþrota­skipti, þ.e. að um sér­töku­kröfu væri að ræða, og skila þrota­bús­ins á þeim, en hefði kosið að falla frá kröfu um skil á and­virði rétt­ind­anna. Af því leiddi að ágrein­ingn­um yrði ekki ráðið til lykta á grund­velli 2. mgr. 109 gr. laga um gjaldþrota­skipti, held­ur byggðist mála­til­búnaður Um­hverf­is­stofn­un­ar á 1. mgr. sama laga­ákvæðis. 

Lands­rétt­ur sagði, að ef úr­sk­urður gengi um kröfu stofn­un­ar­inn­ar á þeim grunni yrði þannig kom­ist að niður­stöðu sem ekki væri unnt að full­nægja sam­kvæmt efni sínu. Því var úr­sk­urður­inn staðfest­ur og kröfu UST hafnað.

Hæstiréttur féllst ekki á að kæruefnið varði mikilsverða almannahagsmuni eða hafi slíkt fordæmisgildi að það uppfylli skilyrði um að Hæstiréttur taki málið fyrir. Var beiðninni því hafnað.

Tengdar fréttir

WOW air

Á eftir að koma í ljós hvort málunum verði áfrýjað

• Skúli sýknaður en 780 milljóna greiðslum rift
• „Allt sem ég gerði var með hag WOW í huga“
• Skúli mættur í dómsal
• Þrotabú WOW knýr á um bætur

» Fleiri tengdar fréttir

• Blogga um frétt