Hafa selt þrjú þúsund þristamúsarbollur
Setja bókamerki
Alls hafa selst um þrjú þúsund þristamúsarbollur í aðdraganda bolludags á morgun. Þetta segir athafnamaðurinn Sigmar Vilhjálmsson, eigandi Barion, Minigarðsins og Hlöllabáta, í samtali við mbl.is.
Segir hann að salan hafi gengið vonum framar. „Við vissum ekki hvað við vorum að fara út í enda að taka þátt í bollubransanum í fyrsta skipti. Við vorum með ákveðnar hugmyndir um hvað við gátum selt mikið og við náðum því strax í síðustu viku,“ segir Sigmar og bætir við að keyrðar verði út um 600 bollur á morgun.
Þá nemi heildarsalan á morgun um þúsund bollum sem stendur. „Við þurfum sólarhringsfyrirvara og pantanir morgundagsins eru um þúsund. Við erum ennþá að selja þannig að það getur enn bæst í.“
Spurður hvert upphaflegt sölumarkmið hafi verið segir Sigmar það hafa verið um þriðjung af því sem raunin varð. „Upprunalega vorum við að tala um að þúsund bollur væri mjög gott,“ segir Sigmar sem er hvergi nærri hættur í bollubransanum. „Það er gaman að prófa þetta og við munum taka aftur þátt að ári. Það er margt sem maður hefur lært á þessum tímum.“
Nýjar myndir sýna tjónið sem blasir við
Fær þingsætið þrátt fyrir skilorðsbundinn dóm
Of mikil einföldun að skella skuldinni á geðrof
„Aðal málið er að það urðu engin slys á fólki“
Rúða splundraðist hjá samskiptastjóranum
Óvíst hvort heimili sem ráðherra opnaði verði opnað
Smíða úrræði fyrir „hættulega einstaklinga“