Starfsgildum fækkaði um 120 hjá Póstinum í fyrra
Setja bókamerki
Starfsgildum hjá Íslandspósti fækkaði um 120 milli ára, en í árslok 2020 voru 601 stöðugildi hjá fyrirtækinu, en höfðu verið 721 árið áður. Þetta kemur fram í ársreikningi félagsins sem kynntur var í dag.
Líkt og greint hafði verið frá fyrr í dag var hagnaður félagsins 104 milljónir samanborið við 511 milljóna tap árið áður.
Rekstrartekjur félagsins lækkuðu milli ára, voru 7.457 milljónir í fyrra, en 7.745 milljónir árið áður. Rekstrarhagnaður var 675,7 milljónir en var 265,6 milljónir árið áður og fór svokallað EBITDA hlutfall í 9,1% en hafði verið 3,4% árið áður.
Íslandspóstur lækkaði vaxtaberandi skuldir á árinu um rúmlega 300 milljónir og voru þær 1.635 milljónir í árslok 2020. Haldbært fé frá rekstri nam 1.023 milljónum en hafði verið 562 milljónir í árslok árið áður.
Pútín reynir allt til að forðast aðra herkvaðningu
Sólveig Anna furðar sig á aðferðum kennara
„Höfum sloppið bærilega með skaða af þessu gosi“
Yfir 300 stæði fóru undir hraun
Hótar Bretum og Bandaríkjamönnum
Hentugt gos fyrst gýs á annað borð