Tvö félög sem ráku verslanir Geysis hafa verið tekin til gjaldþrotaskipta. Þetta kemur fram í Lögbirtingablaðinu og var ákveðið með úrskurðum Héraðsdóms Suðurlands 1. mars síðastliðinn.

Frétt af mbl.is

Geysir hefur greitt útistandandi laun

Um er að ræða félagið Geysir shops ehf., sem annaðist starfsemina í Haukadal, og félagið Arctic Shopping ehf., sem sá um hinar verslanirnar.

Í blaðinu er skorað á alla sem telja til skulda eða annarra réttinda á hendur búunum eða eigna í umráðum þeirra, að lýsa kröfum sínum fyrir skiptastjóra innan tveggja mánaða.

Í byrjun febrúar greindi mbl.is frá því að verslunum Geysis hefði verið lokað og öllum starfsmönnum sagt upp. Áður hafði komið fram að kórónuveirufaraldurinn hefði haft mikil áhrif á verslanaveldið. 

Frétt af mbl.is

Verslunum Geysis lokað og starfsfólki sagt upp

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt