IKEA heldur versluninni opinni

Vegna hertra sóttvarnareglna verða veitingastaður og kaffihús IKEA lokuð frá og með morgundeginum, 25. mars. Verslunin verður opin frá 11-20.

Frá þessu greinir IKEA í tilkynningu á Facebook.

„Við minnum gesti okkar á að fara varlega og sinna persónulegum sóttvörnum. Grímuskylda er í versluninni og við biðjum alla að spritta hendur þegar gengið er inn,“ segir í tilkynningunni. Um leið er minnt á að vefverslunin verði áfram opin.

„Hægt er að velja á milli þess að sækja vörurnar til okkar eða fá þær sendar.“

• Blogga um frétt