Íslandsbanki segir upp 12 manns

Íslandsbanki hefur sagt upp 12 manns sem allir störfuðu á upplýsingatæknisviði bankans. Uppsagnirnar taka gildi þegar í stað. Þetta staðfestir Edda Hermannsdóttir, upplýsingafulltrúi Íslandsbanka, í samtali við mbl.is. 

Starfsfólkinu var tilkynnt um uppsagnirnar í morgun. Að sögn Eddu starfa um 150 manns á upplýsingatæknisviði bankans. 

Hún tekur fram að engar frekari hagræðingaraðgerðir séu fyrirhugaðar hjá bankanum. 

• Blogga um frétt